Isa 59 | Ndebele | STEP | Khangela isandla seN kosi kasifinyezwanga ukuthi singasindisi, lendlebe yayo kayinzima ukuthi ingezwa.

1 Khangela isandla seNkosi ^a kasifinyezwanga ukuthi singasindisi, lendlebe yayo kayinzima ukuthi ingezwa. 2 Kodwa iziphambeko zenu ^b zehlukanisile phakathi kwenu loNkulunkulu wenu, lezono zenu zibusithile ubuso bakhe kini, ukuthi angezwa. 3 Ngoba izandla zenu ^c zingcoliswe ngegazi ^d, leminwe yenu ngenkohlakalo; indebe zenu zikhulume amanga ^e, lolimi lwenu lungunguna ububi ^f. 4 Kakho omemeza ngokulunga, njalo kakho olabhela ngeqiniso ^g; bathemba okuyize ^h, bakhulume amanga ⁱ; bamitha ububi ^{j
,} ^k, bazale isiphambeko ^l. 5 Bachamusela amaqanda enhlangwana, beluke ubulembu besayobe ^m; odla okwamaqanda awo uyafa; lelichotshoziweyo ⁿ liqhamuka lilibululu ^o. 6 Ubulembu babo ^p kabuyikuba yizembatho, njalo kabayikuzembesa ngemisebenzi yabo. Imisebenzi yabo yimisebenzi yobubi, lesenzo sodlakela sisezandleni zabo. 7 Inyawo zabo zigijimela ebubini ^{q
,} ^r; baphangisa ukuchitha igazi elingelacala ^s; imicabango yabo yimicabango yobubi; ukubhubhisa lokuchitha ^{t
,} ^u kusezindleleni zabo. 8 Indlela yokuthula kabayazi ^v; njalo kakulasahlulelo emikhondweni yabo ^w; bazenzela izindlela zabo ezimazombazombe ^x; loba ngubani ohamba kuzo kayikwazi ukuthula.

Abantwana bakoIsrayeli bavuma izono zabo

9 Ngakho-ke isahlulelo sikhatshana lathi, lokulunga kakusifinyeleli. Silindela ukukhanya ^y, kodwa khangela, ubumnyama; silindela ukukhazimula, kodwa sihamba emnyameni omkhulu ^z. 10 Siphumputha umduli njengeziphofu ^aa, siphumputhe kwangathi kasilamehlo; sikhubeke emini enkulu ^ab kwangathi kukusihlwa, sisendaweni ezichithekileyo njengabafileyo. 11 Sonke siyabhonga njengamabhere, silile lokulila njengamajuba ^ac; silindela isahlulelo, kodwa kasikho ^ad; losindiso, kodwa lukhatshana lathi. 12 Ngoba iziphambeko zethu zandile phambi kwakho, lezono zethu zifakaza zimelene lathi; ngoba iziphambeko zethu zilathi, lobubi bethu siyabazi ^ae; 13 ukuphambuka, lokuqambela iNkosi amanga, lokusuka ekulandeleni uNkulunkulu wethu ^af, ukukhuluma incindezelo lokuhlamuka, ukukhulelwa lokukhuluma ^ag amazwi amanga aphuma enhliziyweni ^{ah
,} ^ai. 14 Ngakho isahlulelo sibuyiselwa emuva ^aj, lokulunga kumi khatshana; ngoba iqiniso liyakhubeka esitaladeni, lobuqotho ^ak kabulakungena. 15 Yebo, iqiniso liyasilela ^al, lowehlukana lobubi uzenza impango ^am. INkosi yasikubona, njalo kwaba kubi emehlweni ayo ukuthi kakulasahlulelo. 16 Yasibona ukuthi kwakungelamuntu ^an, yamangala kakhulu ^ao ukuthi kwakungelamlamuli ^ap; ngakho ^aq ingalo ^ar yayo yaletha usindiso kuye, lokulunga kwayo khona kwamsekela ^as. 17 Ngoba yembatha ukulunga ^at njengebhatshi lensimbi, lengowane yosindiso ekhanda layo; yembatha izembatho zempindiselo ^au njengesembatho, yazembesa ukutshiseka njengejazi ^av. 18 Njengokwezenzo ^aw, ngokunjalo izaphindisela ^ax, ulaka kwabamelana layo ^ay, umvuzo ezitheni zayo; ezihlengeni ^az uzabuyisela umvuzo. 19 Ngokunjalo bazalesaba ibizo leNkosi ^ba kusukela entshonalanga, lodumo lwayo kusukela lapho okuphuma khona ilanga. Lapho isitha sizangena njengomfula ^bb, uMoya weNkosi uzaphakamisa isiboniso ^bc esimelene laso. 20 LoMhlengi ^bd uzafika eZiyoni, lakulabo abaphenduka eziphambekweni koJakobe, itsho iNkosi.

21 Mina-ke, lesi yisivumelwano sami labo ^be, itsho iNkosi: UMoya wami ophezu kwakho, lamazwi ami ^bf engiwafake emlonyeni wakho, kawayikusuka emlonyeni wakho, lemlonyeni wenzalo yakho, lemlonyeni wenzalo yenzalo yakho, itsho iNkosi, kusukela khathesi kuze kube phakade.